نێچیرڤان بارزانی سه‌رۆكی حكوومه‌تی هه‌رێمی كوردستان،
له‌میانه‌ی كۆبونه‌وه‌ی له‌گه‌ڵ شاندێكی باڵای کۆنگرێسی ئه‌مه‌ریکا
كه له سیناتۆر جۆن مه‌کیین، سیناتۆر جۆ لێبرمان و سیناتۆر لیندزی گراهام
پێكهاتبوو رایگه‌یاند دیالۆگ تاكه چاره‌سه‌ری كێشه‌كانی عێراقه.
به‌پێی
هه‌واڵێكی ماڵپه‌ڕی فه‌رمی حكومه‌تی هه‌رێم، نێچیرڤان بارزانی
له‌كۆبونه‌وه‌كه‌دا رایگه‌یاندووه " گفتوگۆ و دیالۆگ و گه‌ڕانه‌وه بۆ
ده‌ستوور، تاكه ڕێگه‌یه بۆ چاره‌سه‌ریی كێشه سیاسییه‌كانی عێراق".
هه‌روه‌ها
ڕایگه‌یاندووه كه له ڕه‌وشێكی وه‌كو عێراقدا ئاسایی یه كێشه و گرفت
بێنه ئاراوه، به‌ڵام گرنگ ئه‌وه‌یه ئیراده هه‌بێت بۆ چاره‌سه‌ركردنی
كێشه‌كان به ڕێگه‌ی دیالۆگ و گه‌ڕانه‌وه بۆ ده‌ستوور، بۆ ئه‌وه‌ی
سه‌قامگیری بگه‌ڕێته‌وه بۆ عیراق و خزمه‌تگوزاری پێشكه‌ش به
هاووڵاتیانی عیراق بكرێت.
نێچیرڤان بارزانی
ئاماژه‌ی به‌وه‌شكردووه ڕه‌وش و پێشهاته‌كانی سووریا بۆ هه‌رێمی
كوردستان جێگه‌ی بایه‌خن و هه‌رێمی كوردستان له‌گه‌ڵ ئه‌وه‌دایه كه
گه‌لانی سووریا بڕیار له سه‌ر داهاتووی خۆیان بده‌ن و هه‌ر
گۆڕانگارییه‌ك له سووریا بێته ئاراوه.
Source NRT
Post a Comment